៦ ចំណុចដែលបង្ហាញអត្ថប្រយោជន៍ក្នុងការអាន

           តើអ្នកចូលចិត្តអានសៀវភៅ ឬអត្ថបទ ទស្សនាវដ្តីដែលមួយប្រកបដោយនិរន្តភាពដែរ ឬទេ? តើទម្លាប់ នៃការអានរបស់អ្នកនៅទៅលើ បណ្ដាញសង្គម Twitter, Facebook ឬបណ្ដាញសង្គមផ្ទាល់ខ្លួនដទៃរបស់អ្នកយ៉ាងដូចម្ដេចដែរ? ប្រសិនបើអ្នកជាមនុស្សម្នាក់ក្នុងចំណោមមនុស្សដែលមិនធ្វើឱ្យមានទំលាប់ក្នុងការអានឱ្យបានទៀងទាត់ទេ អ្នកគួរតែផ្លាស់ប្ដូរវាចេញទៅ។ ការអានពិតជាមានផលប្រយោជន៍ ហើយការអានពិតជាផ្នែកមួយនៃ ការចង់ចាំ ដូចនេះអ្នកគួរតែអាន អោយបានច្រើន។

៦ចំនុចខាងក្រោយ គឺជាអត្ថប្រយោជន៍ នៃការអាន៖

     ១.    ការរំញោចផ្លូវចិត្ត

     តាមការបង្ហាញនៅលើវេបសាយមួយឈ្មោះ LifeHack បានបង្ហាញថា

     ការសិក្សាបានបង្ហាញថា ការអានអាចជំរុញបញ្ញាស្មារតី និងពន្យឺតការរីកចម្រើន ឬអាចការពារនៃការ ភ្លេចភ្លាំង និងជំងឺវង្វេងស្មារតី, ចាប់តាំងពីការថែរក្សាខួរក្បាលរបស់អ្នកអោយសកម្ម និងចូលរួមការពារការ ចុះអន់ខ្សោយនៃខួក្បាល។ គ្រប់រាងកាយទាំងអស់ របស់មនុស្សគួរតែធ្វើលំហាត់ប្រាណ ដូចនេះខួរក្បាលក៏យើងគួរតែធ្វើអោយវាទទួលបានអ្វីមួយដែលប្រៀបដូចជាការធ្វើលំហាត់ប្រាណចឹងដែរ ដើម្បីរក្សាភាពឈ្លាសវៃ និងមានសុខភាពខួរក្បាលល្អ ។ ចូលលេងល្បែងផ្គុំរូបភាព និងលេងហ្គេមផ្សេងៗ ដូចជាការអុកជាដើម ដើម្បីរកឃើញនៅវិធិសាស្ត្រដើម្បីឈ្នះ ហើយជាប្រយោជន៍នៃការបណ្ដុះបណ្ដាលចំណេះដឹងមួយផ្នែកដែរ។

      ២.   កាត់បន្ថយភាពតាន់តឹង

ក្នុងពិភពលោកនេះគ្មានអ្វីដែលបង្ហាញថា  ការតានតឹងចិត្តរបស់អ្នកមានទំហំប៉ុណ្ណានោះទេ ទាំងក្នុងការងារ​,​ក្នុង​ទំនាក់​ទំនងបញ្ហា​ផ្ទាល់​ខ្លួន​  ​ឬ​បញ្ហា​ផ្សេង​ទៀត​រាប់​មិន​អស់​ដែលអ្នកបាន​ជួប​ប្រទះ​នៅ​ក្នុង​ជីវិត​ប្រចាំ​ថ្ងៃនោះទេ​, បញ្ហា​ទាំង​អស់​គ្រាន់​តែ​ខិត​ចេញ​ឆ្ងាយមួយរយៈ ​នៅពេល​អ្នក​យកអារម្មណ៍​របស់ខ្លួន​អ្នក​ទៅដាក់ក្នុង​រឿង​មួយ​ធំផ្សេងមួយទៀត​។ ប្រលោមលោកដែលគេបានសរសេរ ​អាច​ដឹកនាំ​អ្នក​ទៅ​ពិភព​ផ្សេងមួយ​ទៀត​     ខណៈ​ពេល​ដែល​អ្នកចាប់ចិត្តលើអត្ថបទ​មួយនោះ​ ដោយដាក់អារម្មណ៍របស់អ្នកជាតួអង្គក្នុងអត្ថបទនោះ, ពេលនោះហើយដែលអ្នកអនុញ្ញាត​ឱ្យ​ភាព​តានតឹង​បង្ហូរ​ចេញ​ទៅ​ហើយ​ខាងក្រៅ ហើយអនុញ្ញាត​ឱ្យ​អ្នក​សម្រាកពីការតានតឹងចិត្ត​។

      ៣.   បន្ថែមចំណេះដឹង

 អ្វី​គ្រប់យ៉ាង​ដែល​អ្នក​បាន​អាន​ វាបានបំពេញ​ពត៌មានថ្មីៗ ទៅក្នុងខួរក្បាល​របស់​អ្នក ​ហើយ​អ្នក​មិន​ដឹង​ថា ​ពេលណាមួយដែលវាមានប្រយោជន៍សម្រាប់អោយអ្នកប្រើប្រាស់វានោះទេ​។  ចំ​នេះ​ដឹង​បន្ថែមដែលអ្នកមាន ជាគន្លឹះមួយដ៏ល្អហើយប្រសើជាងមុនទៅទៀត ព្រោះយើងអាចប្រើប្រាស់ ដើម្បី​ដោះស្រាយ​បញ្ហា​ប្រឈម​មួយ​ចំនួន​ដែល​អ្នក​នឹង​មិន​ធ្លាប់​ជួប​ប្រទះ​។

  លើស​ពី​នេះ​ទៀត​  ការអាន​ជា​​អាហារបន្ថែម​សម្រាប់ការគិតរបស់អ្នក។ ទោះបីជាអ្នកស្ថិតនៅ​កា​លៈ​ទេ​សៈ​ណាក៏ដោយ ចូរអ្នកចង​ចាំ​ថា ​អ្នក​អាច​នឹង​បាត់បង់​អ្វី​ផ្សេង​ទៀត​ដូចជា ​អ្នកបាត់បង់​ការងារ​  ទ្រព្យ​ស​ម្ប​ត្ដិ​ផ្ទាល់របស់​អ្នក​ លុយកាក់​របស់​អ្នក សូម​បី​ជា​សុខភាពរបស់អ្នកក៏អ្នកអាចបាត់បងដែរ លើកលែងតែម្យ៉ាង ចំណេះ​ដឹង​របស់​អ្នក ​ដែលគ្មានអ្នកណាម្នាក់អាច​យក​ពី​អ្នកនោះទេ​ ដូចពាក្យខ្មែរមួយបាននិយាយថា ចំនេះជាទ្រព្យជាប់ប្រាណ ។

  ៤.    ពង្រីកវាក្យសព្ទ (ការប្រើវោហារសព្ទ)

 អ្នកប្រហែលជាបានឃើញច្រើនមកហើយ នូវសៀវភៅដែលដាក់លក់លើទីផ្សារក្នុងប្រទេសកម្ពុជាយើង ក្នុងនោះសៀវភៅមួយចំនួនបានបង្ហាញឱ្យយើងចេះ យល់ដឹងពីរបៀបប្រើប្រាស់ពាក្យសម្ដីរជាមួយ មនុស្សទូទៅ មនុស្សដែលមានឋានៈខ្ពស់ជាង និងការនិយាយក្នុពិធី ឬអង្គប្រជុំអ្វីមួយ។ បើអ្នក​បាន​អានកាន់តែ​ច្រើន​ ​អ្នកនឹងបានការរីកចម្រើន នៃការដឹងលឺកាន់តែខ្លាំង​ ​ហើយនៅដែលអ្នកចេះប្រើវាក្យសព្ទបានល្អហើយត្រឹមត្រូវ នោះ​គេ​នឹងមិន​ជៀស​រួច​ពីការ រង់ចាំស្ដាប់អ្វីដែលអ្នកនិយាយដល់ចប់នោះទេ ពិសេសគេអាចអនុញ្ញាតឱ្យអ្នក ប្រើប្រាស់​វាក្យ​សព្ទរបស់អ្នកក្នុងពីធិរបស់គេ ឬអង្គប្រជុំរបស់គេទៀតផង​។ ច្បាស់ណាស់ក្នុងការបញ្ចូលពាក្យពេចន៍ ដើម្បីនិយាយអោយអ្នកនិយាយបានល្អ ជាជំនួយដ៏អស្ចារ្យនៅក្នុងវិជ្ជាជីវៈរបស់អ្នក ហើយចំណេះដឹងក្នុងការនិយាយ អ្នកអាចទទួលបានកាន់តែខ្ពស់ ជាមួយនឹងទំនុកចិត្តដែលបានជម្រុញយ៉ាងច្រើន ទៅលើសម្ថភាពក្នុងខ្លួនអ្នក។ ​ អ្នកធ្លាប់បានឃើញមកហើយ វាគ្មិនសឹងតែមិនដែល​​មានកំហុសឆ្គង​ក្នុងការប្រើប្រាស់ពាក្យ​​ដែល​បាន​ប្រើ​នៅ​ក្នុងការធ្វើបទ​បង្ហាញជាសាធារណៈនោះទេ​​ មកពីគេបានអានសៀវភៅជាច្រើន ហើយបានអនុវត្តតាមចំនេះដឹងដែលបានមកពីការអាន។

 ៥.    ធ្វើអោយការចងចាំប្រសើឡើង

  នៅ​ពេល​ដែល​អ្នក​បាន​អាន​សៀវភៅ​មួយក្បាល ​ អ្នកបានចង​ចាំនៅចំនុចខ្លះ​ នៃអត្ថបទក្នុងសៀវភៅនោះដូចជា ប្រវត្តិ​របស់​ពួក​គេ​ មហិច្ឆតា​ ប្រវត្តិ​សា​ស្រ្ត​  និង​អត្ថន័យផ្សេងៗទៀត។ វាជាការសំរាំងយ៉ាងល្អ ក្នុងការចងចាំរបស់អ្នក ដែលអាចចង់ចាំរឿងជាច្រើនជាមួយនឹងការប្រើប្រាស់ ឬទំនាក់ទំនងប្រចាំថ្ងៃ។ ការអានក៏អាចធ្វើអោយអ្នកអាចរំលឹកនៅចំនេះដឹងដែលបានកប់ទុកក្នុងខួរក្បាលរបស់អ្នក ត្រូវចាំថាការអានពិតជាល្អណាស់សម្រាប់ការរំលឹកអ្វីៗដែលអ្នកបានដឹង ឬលឺ ពីមុនមក។ ការពង្រឹងចំណេះដឹងដែលមានស្រាប់ ជួយប្រមូលការចងចាំក្នុងរយៈពេលខ្លី អោយមានស្ថេរភាពល្អ។

 ៦.    ជំនាញ​ខ្លាំងនៃ​ការ​វិភាគ​

 តើ​អ្នក​ធ្លាប់​បាន​អាន​ប្រលោមលោក​អា​ថ៍​កំបាំង​មួយ​ដែល​អស្ចារ្យដែរ ឬទេ? ហើយគិត​ពីអត្ថន័យដែលអាថ៍កំបាំងនោះដោយខ្លួនអ្នក មុនពេលអ្នកអានបញ្ចប់សៀវភៅដែរ ឬទេ? ប្រសិន​បើដូច្នេះ អ្នកបានដាក់អារម្មណ៍របស់អ្នកទៅលើអត្ថបទនោះហើយ  ហើយអ្នកនឹងធ្វើការប្រើគំនិតវិភាគ ដែលធ្វើឱ្យអ្នកអានយ៉ាងជក់ចិត្តលើការកំណត់អត្ថន័យរបស់ប្រលោមលោកមួយនោះ។ ការ​អាន​សៀវភៅ​ គឺ​មាន​សារៈសំខាន់​ណាស់​សម្រាប់​ការ​រៀន​ភាសា​ថ្មី​ ឬបង្កើតនៅជំនាញដទៃទៀតដល់ខ្លួនរបស់អ្នកដោយមិនដឹងខ្លួន។ អ្នកដឹងទេ នៅពេលដេលបានអានសៀវភៅមួយក្បាល ពេលនោះគឺអ្នកបានវិភាគទៅលើអត្ថន័យវាទៅហើយ។ ហើយបន្ទាប់ពីអ្នកបានអានបញ្ចប់សៀវភៅនោះ គឺអ្នកបានទទួលនៅកំរិត នៃការវិភាគកើតនឡើងបន្តិចទៀតហើយ។

សរុបមកការអានសៀវភៅពិតជាល្អណាស់សម្រាប់ខ្លួនរបស់អ្នក។ សូមកូនខ្មែរទាំងអស់ចាប់ផ្ដើមបណ្ដុះនៅគំនិត ក្នុងការអានសៀវភៅឡើង។

អត្ថបទនេះ រៀបរៀង និងរក្សាសិទ្ធដោយ Mrr Dee